தமிழோடு விளையாடு 35 தமிழ்ச் சொல்லைக் கண்டுபிடி Play with Tamil Find the Tamil word Tamil game

 

Play with Tamil Find the Tamil word Tamil game

தொகைச் சொற்கள் தமிழ் விளக்கப்படம்

Thogai chorkal tamil chart 

பள்ளி காலை வழிபாட்டுச் செயல்பாடுகள் 16.06.2026 . செவ்வாய்

School morning prayer activities 

பள்ளி காலை வழிபாட்டுச் செயல்பாடுகள்

16.06.2026 . செவ்வாய்

திருக்குறள் :

பால் : பொருட்பால்

; இயல்: அரசியல் ;

அதிகாரம்: 43. அறிவுடைமை ; 

குறள் எண் : 429.

குறள் :

எதிரதாக் காக்கும் அறிவினார்க் கில்லை அதிர வருவதோர் நோய்.

பொருள்:

நாளை வர இருப்பதை முன்னதாக அறிந்து காக்கும் அறிவை உடையோர்க்கு, அவர் நடுங்க வரும் துன்பமே இல்லை.

பழமொழி :

விவேகம் வீரத்தினும் சிறப்பு.

Discretion is better than valour

இரண்டொழுக்க பண்புகள்:

1. கோபப்படாமல் அமைதியாக பொறுமையோடு இருப்பேன்.

2. பிறரின் துன்பத்தை உணர்ந்து உதவுவேன். இதன் மூலம் இரக்க குணத்தை பிரதிபலிப்பேன்.

பொன்மொழி :

+ கல்வி என்பது எதிர்காலத்திற்கான சிறந்த முதலீடு.

Thought for the Day:

Education is the most powerful tool you can use to shape your future.

பொது அறிவு :

1. மனித உடலில் தன்னைத் தானே பழுதுபடுத்திக் கொள்கிற உறுப்பு எது?

கல்லீரல்.

2. உலகிலேயே மிகச் சிறிய அரசு எது?

வாடிகன் நகரம் (Vatican City)

English words:

Influence -Affect, தாக்கம் ஏற்படுத்து.

Maintain - Preserve, பராமரி

புவியியலும் சுற்றுச்சூழலும் :

பூமியின் இயற்கை துணைக்கோள் சந்திரன் ஆகும். பூமியில் மட்டுமே நீர் நிலைகள் பெரும் கடல்கள் உள்ளன. இந்த பெருங்கடல்கள் சூரிய ஒளியில் உள்ள நீல நிறத்தை பிரதிபலிக்கின்றன. எனவே ""நீலக் கோள்"" (Blue Planet) என்று அழைக்கப்படுகிறது.

ஜூன் 16 சித்தரஞ்சன் தாஸ் அவர்களின் நினைவுநாள்

தேசபந்து சித்தரஞ்சன் தாஸ் (வங்காள மொழி : ழுஅ49) பிறப்பு நவம்பர் 5, 1870 - இறப்பு ஜூன் 16, 1925.

இந்திய விடுதலைப் போராட்டத்தில் முக்கிய பங்கை ஆற்றியவர்.

தேசபந்து சித்தரஞ்சன் தாஸ் என்று எல்லோராலும் அன்புடன் அழைக்கப்பட்ட இந்திய சுதந்திரப் போராட்டத் தலைவர். 1917- ஆம் ஆண்டிலிருந்து 1925- ஆம் ஆண்டு வரை தீவிர அரசியலில் ஈடுபட்டவர். இவர் பூபன் மோகன் தாஸ் என்பவருக்குப் பிறந்தார். இங்கிலாந்தில் சட்டக் கல்வி கற்றவர், 1909இல் அலிப்பூர் குண்டுவெடிப்பு வழக்கில் அரவிந்தருக்கு ஆதரவாக வெற்றிகரமாக வாதாடினார்.

இவர் நேதாஜி சுபாஷ் சந்திர போஸின் அரசியல் குரு. அவரது அரசியல் ஞானத்தாலும் பேச்சுத் திறமையாலும் அவர் இந்திய தேசிய காங்கிரஸில் முக்கியமான நபராக உயர்ந்தார். அவர் கிராமங்களை முன்னேற்றி கைத்தொழில்களை வளர்க்க விரும்பினார். சுய ராஜ்ஜியக் கட்சித் தலைவர். சாதி வேற்றுமையையும் தீண்டாமையையும் வெறுத்தவர். பெண்கள் முன்னேற்றத்திற்காகப் பாடுபட்டவர். புகழ் பெற்ற வழக்கறிஞராக இருந்தபோதும் சுதந்திரப் போராட்டத்திற்காக தனது தொழிலைத் தியாகம் செய்தவர்.

ஜூன் 16

பிரபுல்லா சந்திர ராய் அவர்களின் நினைவுநாள்

- Acharya Prafulla Chandra Ray.

பிறப்பு ஆகத்து 2, 1861 - இறப்பு சூன் 16, 1944.

ஒரு வங்கக் கல்வியாளர், வேதியியலாளர், வணிகர். சமூக சேவையாளர், ஆயுர்வேத மருத்துவம் பற்றி ஆய்வுகள் செய்தவர். லண்டனில் அறிவியல் முனைவர் பட்டம் பெற்ற முதல் இந்தியர். இந்திய வேதியியல் கழகத்தைத் தொடங்கியவர். இந்திய விடுதலைப் போரில் பங்கு கொண்டவர். பாதரச நைட்ரைட்டு என்ற அதிக நிலைத்தன்மை கொண்ட சேர்மத்தைக் கண்டு பிடித்தவர்.

நீதிக்கதை -"தூய்மையான வகுப்பறை"

ஒரு பள்ளியில் குறிப்பிட்ட வகுப்பு மாணவர்கள் படிப்பில் நன்றாக இருந்தாலும், வகுப்பறையைச் சுத்தமாக வைத்துக்கொள்வதில் கவனம் செலுத்தவில்லை. பென்சில் சீவல்கள், காகிதத் துண்டுகள் போன்றவற்றை தரையில் போட்டுவிடுவார்கள்

ஒருநாள் ஆசிரியர் வகுப்பறைக்குள் வந்தார். வகுப்பறை மிகவும் அசுத்தமாக இருந்தது. அதைப் பார்த்த ஆசிரியர், "இந்த அறை நம் இரண்டாவது வீடு. வீட்டை எப்படி சுத்தமாக வைத்துக்கொள்வோமோ, அதுபோல வகுப்பறையையும் சுத்தமாக வைத்துக்கொள்ள வேண்டும்" என்றார்.

அடுத்த நாள் ஆசிரியர் இரண்டு செடிகளைக் கொண்டு வந்தார். ஒரு செடியைச் சுத்தமான இடத்திலும், மற்றொரு செடியைக் குப்பைகள் நிறைந்த இடத்திலும் வைத்தார். சில நாட்களில் சுத்தமான இடத்தில் இருந்த செடி பசுமையாக வளர்ந்தது. குப்பைகள் அருகில் இருந்த செடி வாடத் தொடங்கியது.

இதைக் கண்ட மாணவர்கள் தூய்மையின் முக்கியத்துவத்தைப் புரிந்துகொண்டனர். அதன்பிறகு அனைவரும் குப்பைகளைக் குப்பைத்தொட்டியில் போட்டு, தினமும் வகுப்பறையைச் சுத்தமாக வைத்தனர்.

சில மாதங்களில் அவர்களின் வகுப்பறை பள்ளியிலேயே மிகவும் தூய்மையான  வகுப்பறையாகத் தேர்ந்தெடுக்கப்பட்டது. ஆசிரியர் அனைவரையும் பாராட்டினார்.

நீதி :தூய்மை நம் ஆரோக்கியத்தையும், கற்றல் சூழலையும் மேம்படுத்தும். வகுப்பறையை எப்போதும் தூய்மையாக வைத்துக்கொள்வோம்.

Today's Headlines - 16.06.2026

Chief Minister Vijay announced that the Breakfast Scheme will be expanded to cover students studying up to Class 8 from September 17, the birth anniversary of Periyar E. V. Ramasamy.

The increase in petrol and diesel prices will be reviewed again, said Union Minister Suresh Gopi.

Countries around the world have welcomed the finalization of the ceasefire and peace agreement between United States and Iran.

Sports News

In the Archery World Cup, Dhiraj Bommadevara created history by winning two gold medals.

Nations Cup Hockey: The India Women's National Field

Hockey Team started their campaign with a victory over the United States Women's National Field Hockey Team.

இன்றைய செய்திகள் 16.06.2026

தந்தை பெரியாரின் பிறந்த நாளான செப்டம்பர் 17-ந் தேதி முதல் 8-ம் வகுப்பு வரை படிக்கும் மாணவரகளுக்கு காலை உணவு திட்டம் விரிவாக்கம் செய்யப்படும் என முதல்-அமைச்சர் விஜய் அறிவிப்பு.

பெட்ரோல், டீசல் விலை உயர்வு மறு ஆய்வு செய்யப்படும் - மத்திய இணை மந்திரி சுரேஷ் கோபி.

அமெரிக்கா-ஈரான் இடையேயான போர் நிறுத்தம் மற்றும் அமைதி ஒப்பந்தம் இறுதியானதன் பொருட்டு,உலக நாடுகள் வரவேற்பு

விளையாட்டுச் செய்திகள்

*உலகக் கோப்பை வில்வித்தை - இரட்டை தங்கம் வென்று வரலாறு படைத்த தீரஜ்.

*நேஷன்ஸ் கோப்பை ஆக்கி: அமெரிக்காவை வீழ்த்தி வெற்றியுடன் தொடங்கிய இந்திய மகளிர் அணி.

தயாரிப்பு :

Covai women ICT_போதிமரம்

6th tamil grammar mayankolikal ilakkanam ஆறாம் வகுப்பு தமிழ் இலக்கணம் மயங்கொலிகள்

 

தமிழ் இலக்கணம் 25 மதிப்பெண் வினாடி வினா பகுதி 5 NEW TN TET - TNPSC - TRB TAMIL GRAMMAR 25 MARKS QUIZ

 

NEW TN TET - TNPSC - TRB TAMIL GRAMMAR 25 MARKS QUIZ 

பள்ளி காலை வழிபாட்டுச் செயல்பாடுகள் 15.06.2026 . திங்கள்

School morning prayer activities 

பள்ளி காலை வழிபாட்டுச் செயல்பாடுகள்

15.06.2026 . திங்கள்

திருக்குறள் :

பால் : பொருட்பால்

; இயல்: அரசியல் ;

அதிகாரம்: 43. அறிவுடைமை ;

குறள் எண் : 428.

குறள் :

அஞ்சுவ தஞ்சாமை பேதைமை அஞ்சுவது அஞ்சல் அறிவார் தொழில்.

பொருள்:

அஞ்ச வேண்டியவைகளுக்கு அஞ்சாமல் நடப்பது அறிவில்லாத தன்மை ஆகும்; அஞ்ச வேண்டியதற்கு அஞ்சி விலகி நடப்பதே அறிவுடையவர் செயலாகும்.

பழமொழி :

> போதும் என்ற மனமே பொன் செய்யும் மருந்து.

Contentment is more than a kingdom

இரண்டொழுக்க பண்புகள்:

1. கோபப்படாமல் அமைதியாக பொறுமையோடு இருப்பேன்.

2. பிறரின் துன்பத்தை உணர்ந்து உதவுவேன். இதன் மூலம் இரக்க குணத்தை பிரதிபலிப்பேன்.

பொன்மொழி :

* பொறுமை கசப்பானது; அதன் கனி இனிமையானது.

Thought for the Day:

Learning is a treasure; you can take it with you wherever you go.

பொது அறிவு :

1. தமிழ்நாட்டில் நீலகிரி வரையாடின் தற்போதைய எண்ணிக்கை எவ்வளவு?

1364.

2. உலக பூச்சி தினம் எப்போது அனுசரிக்கப்படுகிறது?

ஜுன் 6.

English words:

Generous - Liberal, தாராளமான.

Hesitate Doubt, தயங்கு

NMMS:

36 மீ பக்க அளவுள்ள ஒரு சதுரத்தின் பரப்பும், 24 மீ உயரமுள்ள ஒரு இணைகரத்தின் பரப்பும் சமம் எனில், இணைகரத்தின் அடிப்பக்க அளவு என்ன?

1. சதுரத்தின் பக்கம் 36 மீ சதுரத்தின் பரப்பளவு = a² = 36 x 36 = 1296  மீ²

2. சதுரத்தின் பரப்பளவு = இணைக்கரத்தின் பரப்பளவு = 1296 மீ² இணைக்கரத்தின் பரப்பளவு = அடிப்பக்கம் X உயரம் = 1296 

அடிப்பக்கம் X 24 = 1296 

அடிப்பக்கம் = 1296 / 24 = 54 மீ

விடை : 54மீ

புவியியலும் சுற்றுச்சூழலும் 

பூமி தனது அச்சில் சுழல்வதால் பகலும் இரவும் ஏற்படுகின்றன. பூமி சூரியனைச் சுற்றி வருவதால் பருவ காலங்கள் உருவாகின்றன.

ஜூன் 15 உலகக் காற்று நாள்

உலகக் காற்று நாள் (World Wind Day) ஆண்டுதோறும் சூன் 15 ஆம் நாள் நடைபெறும் உலகளாவிய நிகழ்ச்சியாகும். இதை ஐரோப்பிய காற்று ஆற்றல் ஆணையமும், உலகளாவிய காற்று ஆற்றல் மன்றமும் ஒழுங்குப்படுத்தி வருகின்றது.

இது காற்றாற்றலைக் கொண்டாடும் தினமாகும். மேலும் இந்நாளில் காற்றாற்றலைப் பற்றிய விழிப்புணர்வையும், முக்கியத்துவத்தையும், அதன் வாய்ப்புகளையும், குழந்தைகள் மற்றும் வயதானோர் அறியும்படி செய்யப்படுகிறது.

நீதிக்கதை -நேர்மையான மாணவி.

ஒரு பள்ளியில் கவிநயா என்ற மாணவி படித்து வந்தாள். அவள் எப்போதும் உண்மையே பேசுவாள். ஒருநாள் பள்ளி முடிந்து வீட்டிற்குச் செல்லும்போது, பள்ளி மைதானத்தில்  அழகான பேனா கிடந்தது. அது மிகவும் விலையுயர்ந்த பேனாவாக இருந்தது. கவிநயாவின் நண்பர்கள் சிலர், "இதைக் கண்டுபிடித்தது நீதானே! நீயே வைத்துக்கொள்" என்றார்கள்.

ஆனால் கவிநயா, "இல்லை. இது யாரோ ஒருவருடைய பொருள். அவரிடம் சேர வேண்டும்" என்றாள். உடனே அந்தப் பேனாவை ஆசிரியரிடம் கொடுத்தாள். மறுநாள் ஒரு மாணவன் அழுதுகொண்டே ஆசிரியரிடம் வந்தான். "என் அப்பா வாங்கிக் கொடுத்த பேனா தொலைந்து விட்டது" என்றான். ஆசிரியர் கவிநயா கொடுத்த பேனாவை அவனிடம் கொடுத்தார்.

அந்த மாணவன் மிகவும் மகிழ்ச்சி அடைந்தான். ஆசிரியரும் கவிநயாவைப் பாராட்டி, "நேர்மை என்பது மனிதனின் மிகப் பெரிய செல்வம்" என்றார். அன்று முதல் பள்ளியில் உள்ள மாணவர்கள் அனைவரும் கவிநயாவைப் போல நேர்மையாக இருக்க முயன்றனர்.

நீதி : நேர்மையே சிறந்த செல்வம்.

Today's Headlines 15.06.2026

School Education Minister Rajmohan has firmly announced that students will not be allowed to wear caste-identifying threads in schools.

The Nipah virus is posing a threat to Kerala. A Nipah virus infection has been detected in Kozhikode district, and a team from the Indian Council of Medical Research (ICMR) has rushed to Kerala.

Prime Minister Modi expressed pride in India's affordable healthcare facilities.

Sports News

Asian Games: The Indian badminton team has been

announced. Star shuttler P. V. Sindhu has been included in the Indian women's team.

இன்றைய செய்திகள் 15.06.2026

பள்ளிக் கல்வித்துறை அமைச்சர் ராஜ்மோகன் பள்ளிகளில் மாணவர்கள் சாதி கயிறு அணிவதை அனுமதிக்க முடியாது என திட்டவட்டமாக அறிவுறித்தியுள்ளார்.

கேரளத்தை அச்சுறுத்தும் நிபா வைரஸ், கோழிக்கோடு மாவட்டத்தில் 'நிபா' வைரஸ் பாதிப்பு கண்டறியப்பட்டுள்ளது. கேரளாவிற்கு இந்திய மருத்துவ ஆராய்ச்சி கழக குழு விரைந்ததுள்ளது.

இந்தியாவில் மலிவு விலையில் மருத்துவ வசதிகள். பிரதமர் மோடி பெருமிதம்.

விளையாட்டுச் செய்திகள்

*ஆசிய விளையாட்டு போட்டி: இந்திய பேட்மிண்டன் அணி அறிவிப்பு. இந்திய பெண்கள் அணியில் முன்னணி நட்சத்திர வீராங்கனை பி.வி. சிந்து. இடம் பெறுகிறார்.

தயாரிப்பு :

Covai women ICT போதிமரம் 

தமிழ் இலக்கணம் விடை வகைகள் 8th tamil grammar vidai vakaikal types of answers ilakkanam

 

இரண்டு நண்பர்கள் ஒரு குட்டிக்கதை மாணவர் நன்னெறிக் கதை tamil short story two friends kutty kathai

 

tamil short story two friends kutty kathai

ஒன்பதாம் வகுப்பு தமிழ் மாதிரி பாடக்குறிப்பு ஆறாம் திணை ஜூன் 22 - 2026

9th tamil model notes of lesson

lesson plan June 22

ஒன்பதாம் வகுப்பு தமிழ் மாதிரி பாடக்குறிப்பு

1.நாள்

22-06-2026 முதல் 25-06-2026

2.பாடம்

தமிழ்

3.அலகு

1

4.பாடத்தலைப்பு

அமுதென்று பேர் – விரிவானம்

5.உட்பாடத்தலைப்பு

ஆறாம் திணை

6.பக்கஎண்

12 - 15

7.கற்றல் விளைவுகள்

T-9003 தமிழ் மொழியில் பதிவாகி உள்ள புலம்பெயர் தமிழர்களின் எழுத்துப் போக்கினையும் கருத்தினையும் படித்தல்.

8.திறன்கள்

தாய்நாட்டிலிருந்து வெளியேறியவர்களின் அவலத்தை அறிதல்.

9.நுண்திறன்கள்

மனித உணர்வுகளைப் புரிந்து கொள்ளுதல்.

10.கற்பித்தல் துணைக்கருவிகள்

இணைய வளங்கள்

https://tamilthugal.blogspot.com/2025/06/1_1.html 

https://tamilthugal.blogspot.com/2025/06/blog-post_8.html 

https://tamilthugal.blogspot.com/2025/06/pdf_8.html 

11.ஆயத்தப்படுத்துதல்

          மாணவர்கள் அறிந்த அயலகத் தமிழர்களைக் கூறச் செய்தல்.

12.அறிமுகம்

முத்துலிங்கம் பற்றிக் கூறி, பாடப்பொருளை அறிமுகப்படுத்துதல்.

13.கற்றல் கற்பித்தல் செயல்பாடுகள்

முத்துலிங்கம் பற்றிய குறிப்புகளை மாணவர்களுக்குக் கூறுதல்.

          ஆறாம் திணை பாடத்தின் மையக்கருத்தை மாணவர்களுக்கு விளக்குதல்.

          அயலகத் தமிழரின் முக்கியத்துவம் குறித்த தகவல்கள் பற்றி மாணவர்களுடன் உரையாடுதல்.

          தாய்நாட்டின் பெருமைகளையும் சிறப்புகளையும் மாணவர்கள் மனதில் விதைத்தல்.

          மாணவர்கள் ஆசிரியர் உதவியுடன் பாடப்பொருளை அறிதல், பாடலின் கருத்துகளை உள்வாங்குதல், வாசித்துப் பொருள் அறிதல். தங்கள் ஐயங்களைப் போக்குதல். தமிழின் பெருமையை அறிதல்.

14.வலுவூட்டல் செயல்பாடுகள்

புலம்பெயர் தமிழர்கள் குறித்து அறிதல்.

15.மதிப்பீடு

          எ.சி.வி –       அயலகத் தமிழர் நாள் ............................

          ந.சி.வி –       ஆறாம் திணையின் ஆசிரியர் யார்?

உ.சி.வி –      புலம்பெயர்ந்த மனிதர்களின் அகத்திலும் புறத்திலும் எங்ஙனம் பாதிப்பு தெரிகின்றது என்பதை ஆறாம் திணை வாயிலாக விவரிக்க

16.குறைதீர் கற்றல்

மெல்லக்கற்கும் மாணவர்களுக்கு மீத்திற மாணவர்கள் மூலம் மீண்டும் பாடப்பொருளை எளிமைப்படுத்தி விளக்குதல்.

17.தொடர்பணி

தமிழர் குறித்த தகவல்களை இணையம் மூலம் அறிதல்.

நாளிதழ்களில் வெளியாகும் புலம்பெயர் மக்கள் பற்றிய செய்திகளைத் திரட்டுதல்.

பத்தாம் வகுப்பு தமிழ் மாதிரி பாடக்குறிப்பு புயலிலே ஒரு தோணி ஜூன் 22 - 2026

 10th tamil model notes of lesson

lesson plan June 22

பத்தாம் வகுப்பு தமிழ் மாதிரி பாடக்குறிப்பு

1.நாள்

22-06-2026 முதல் 25-06-2026

2.பாடம்

தமிழ்

3.அலகு

1

4.பாடத்தலைப்பு

அமுத ஊற்று – விரிவானம்.

5.உட்பாடத்தலைப்பு

புயலிலே ஒரு தோணி.

6.பக்கஎண்

10 - 12

7.கற்றல் விளைவுகள்

T-1003 கதை நிகழ்வுகளுக்குள் பொதிந்திருக்கும் மொழி வீச்சையும் நயத்தையும் செறிவையும் படித்துச் சுவைத்தல், எண்ணங்களோடு இணைத்து விவரித்து எழுதுதல்.

8.கற்றல் நோக்கங்கள்

இயற்கைச் சீற்றத்தை உணர்தல்.

9.நுண்திறன்கள்

புதினத்தில் காற்று குறித்து அறிதல்.

10.கற்பித்தல் துணைக்கருவிகள்

இணைய வளங்கள்

https://tamilthugal.blogspot.com/2020/05/10-2-puyaliley-oru-thoni-tenth.html 

https://tamilthugal.blogspot.com/2020/05/10-2-puyalile-oru.html 

https://tamilthugal.blogspot.com/2023/06/10th-tamil-ppt-power-point-presentation_29.html 

https://tamilthugal.blogspot.com/2021/06/2-10th-tamil-online-test-puyaliley-oru.html 

https://tamilthugal.blogspot.com/2024/12/ai-10_5.html 

https://tamilthugal.blogspot.com/2026/02/10th-tamil-puyalile-oru-thoni-virivanam.html 

https://tamilthugal.blogspot.com/2025/06/1_98.html 

https://tamilthugal.blogspot.com/2025/07/1.html 

https://tamilthugal.blogspot.com/2025/05/10-1-10_8.html 

https://tamilthugal.blogspot.com/2024/08/10th-tamil-important-notes-tnpsc-tet_7.html 

11.ஆயத்தப்படுத்துதல்

          மாணவர்கள் அறிந்த இயற்கைச் சீற்றங்களைக் கூறச் செய்தல்.

12.அறிமுகம்

ஐம்பூதங்கள் பற்றிக் கூறி, பாடப்பொருளை அறிமுகப்படுத்துதல்.

13.கற்றல் கற்பித்தல் செயல்பாடுகள்

          கப்பித்தான், தொங்கான், அவுலியா மீன்கள் குறித்து விளக்குதல். புயலில் தோணி  பட்ட பாட்டை விவரித்தல். அடுக்குத்தொடர், ஒலிக்குறிப்புச் சொல், வருணனைகள் குறித்து விளக்குதல். மாணவர்களின் பயண அனுபவங்களைக் கேட்டல்.

மாணவர்கள் ஆசிரியர் உதவியுடன் பாடப்பொருளை அறிதல், பாடத்தின் கருத்துகளை உள்வாங்குதல், வாசித்துப் பொருள் அறிதல். தங்கள் ஐயங்களைப் போக்குதல்.

14.வலுவூட்டல் செயல்பாடுகள்

புயல் சீற்றங்கள் குறித்து அறிதல்.

15.மதிப்பீடு

எ.சி.வி –       புயலிலே ஒரு தோணி நூலின் ஆசிரியர் ...............

ந.சி.வி – புயலிலே ஒரு தோணி கதையைச் சுருக்கி எழுதுக.

உ.சி.வி – நீங்கள் எதிர்கொண்ட இயற்கை இடர் குறித்து எழுதுக.

16.குறைதீர் கற்றல்

மெல்லக்கற்கும் மாணவர்களுக்கு மீத்திற மாணவர்கள் மூலம் மீண்டும் பாடப்பொருளை எளிமைப்படுத்தி விளக்குதல்.

17.தொடர்பணி

இயற்கை இடர் குறித்து இணையத்தில் கண்டு பாதுகாப்பு முறைகளை எழுதுக.

தமிழோடு விளையாடு 34 தமிழ்ச் சொல்லைக் கண்டுபிடி Play with Tamil Find the Tamil word Tamil game

 

 Play with Tamil Find the Tamil word Tamil game

தமிழ் இலக்கணம் 25 மதிப்பெண் வினாடி வினா பகுதி 4 NEW TN TET - TNPSC - TRB TAMIL GRAMMAR 25 MARKS QUIZ

 

NEW TN TET - TNPSC - TRB TAMIL GRAMMAR 25 MARKS QUIZ 

தமிழோடு விளையாடு 33 தமிழ்ச் சொல்லைக் கண்டுபிடி Play with Tamil Find the Tamil word Tamil game

 

 Play with Tamil Find the Tamil word Tamil game

பள்ளி காலை வழிபாட்டுச் செயல்பாடுகள் 12.06.2026, வெள்ளி

School morning prayer activities 

பள்ளி காலை வழிபாட்டுச் செயல்பாடுகள்

12.06.2026, வெள்ளி 

திருக்குறள் :

பால்: பொருட்பால்

; இயல்: அரசியல் ;

அதிகாரம்: 43. அறிவுடைமை ;

குறள் எண் : 427.

குறள் :

அறிவுடையார் ஆவ தறிவார் அறிவிலார்

அஃதறி கல்லா தவர்.

பொருள்:

அறிவுடையார் நாளை வர இருப்பதை முன் அறிய வல்லவர்; அறிவு இல்லாதவரோ அதனை அறிய இயலாதவர்.

பழமொழி :

யானை வரும் பின்னே; மணியோசை வரும் முன்னே

Coming events cast their shadow before.

இரண்டொழுக்க பண்புகள் :

1. செல்லும் இடமெல்லாம் ஒழுக்கம், நேர்மை, அன்பு என்னும் விதைகளை விதைத்து செல்வேன்.

2. அதன் மூலம் இவ்வுலகை நாம் நன்கு வாழக்கூடிய இடமாக மாற்ற முயற்சி செய்வேன்.

பொன்மொழி :

* தோல்வி வெற்றியின் தாய்.

Thought for the Day:

Today's responsibility creates opportunities tomorrow.

பொது அறிவு :

1.23-வது காமன்வெல்த் விளையாட்டு போட்டிகள் 2026 எங்கு நடைபெற உள்ளது?

கிளாஸ்கோ, ஸ்காட்லாந்து.

2. தேசிய பஞ்சாயத்து ராஜ் தினம் எப்போது கொண்டாடப்படுகிறது?

ஏப்ரல் 24.

English words :

Essential - Necessary, அத்தியாவசியமான

Frequent - Regular, அடிக்கடி நிகழும் 

NMMS:

XYW, UVT, RSQ, OPN,

(1) KLM. (2) LMK. (3) LKM.

(4) KML.

Pattern: 2nd, 3rd, 1st

1) correct order is WXY, according to the pattern XYW

2) correct order is TUV, according to the pattern UVT

3) correct order is QRS, according to the pattern RSQ

4) correct order is NOP, according to the pattern OPN

5) correct order is KLM, according to the pattern LMK

விடை: (2) LMK

புவியியலும் சுற்றுச்சூழலும் :

குடிமையியல்

ஜனநாயக நாட்டில் மக்களால் தேர்ந்தெடுக்கப்பட்ட பிரதிநிதிகள் நாட்டை ஆளுகின்றனர். இந்தியா ஒரு ஜனநாயக நாடு.

ஜூன் 12 - குழந்தைத் தொழிலாளர் எதிர்ப்பு நாள்

AGAINST CHILD LABOUR

  (World Day Against Child Labour) உலகம் முழுவதும் ஆண்டுதோறும் சூன் 12 ஆம் தேதி கடைப்பிடிக்கப்படுகிறது. ஐக்கிய நாடுகளின் ஓர் அங்கமான பன்னாட்டு தொழிலாளர் அமைப்பினால் (ஐ.எல்.ஓ) அங்கீகரிக்கப்பட்ட இந்த நாள் குழந்தைத் தொழிலாளர்கள் பற்றிய விழிப்புணர்வை ஏற்படுத்த 2002ம் ஆண்டு முதல் கடைபிடிக்கப்படுகிறது. ஐ.எல்.ஓ வின் 138 மற்றும் 182 வது உடன்படிக்கைகளின் ஏற்பினால் தூண்டப்பட்டு இந்த நாள் உருவாக்கப்பட்டது.

 இதன் அடிப்படையில் குழந்தைத் தொழிலாளர் முறையை முற்றிலுமாக அகற்றப்பட வேண்டியதன் அவசியத்தை உணர்த்த இந்நாள் கடைப்பிடிக்கப்படுகிறது. 2006 அக்டோபர் 10 ம் தேதி முதல் வீடு, சாலையோரக் கடைகள், ஓட்டல்கள் போன்ற இடங்களில் 16 வயதிற்கு உட்பட்ட சிறுவர், சிறுமியரை வேலைக்கு அமர்த்த மத்திய அரசு தடைவிதித்துள்ளது.

நீதிக்கதை -திருட்டு முட்டையும் திருந்திய ஓணானும்

ஒரு விவசாயியின் கோழிகள் இடும் முட்டைகளை ஒரு ஓணான் தினமும் திருடி தின்று வந்தது. அதன் மனைவியும் பிள்ளைகளும், "திருட்டு தவறு, ஒருநாள் அதற்கான விலையைக் கொடுக்க வேண்டி வரும்" என்று எச்சரித்தும் அது கேட்கவில்லை.

ஒருநாள் விவசாயி ஒரு அவித்த முட்டையை கோழி அருகில் வைத்து விட்டார். வழக்கம்போல் வந்த ஓணான் அதை விழுங்கியது. அவித்த முட்டை வயிற்றில் சிக்கியதால் வேகமாக நகர முடியவில்லை. விவசாயி துரத்த, ஓணான் தன் பொந்திற்குள் ஓடியது. தலை மட்டும் உள்ளே சென்றது, ஆனால் உடல் வெளியே சிக்கிக் கொண்டது. விவசாயியிடம் அடியும் வாங்கியது.

அப்போது தான் தன் தவறை உணர்ந்த ஓணான், கடவுளிடம் மன்னிப்பு கேட்டு இனி திருட மாட்டேன் என்று மனந்திருந்தியது. சிறிது நேரத்தில் முட்டை ஜீரணமாகி, அது பாதுகாப்பாக பொந்திற்குள் சென்றது. அதன்பின் திருட்டை விட்டுவிட்டு நேர்மையாக வாழ்ந்ததாம்.

நீதி :

திருட்டின் சுகம் சில நாள்; அதன் துன்பம் பல நாள்.

தவறை உணர்ந்து திருந்துகிறவர்களுக்கு எப்போதும் ஒரு புதிய வாய்ப்பு உண்டு.

அறிவுரையைக் கேட்காதவன் அனுபவத்தின் மூலம் பாடம் கற்றுக்கொள்வான்.

Today's Headlines - 12.06.2026

Chief Minister Vijay emphasized at the NITI Aayog meeting that Tamil Nadu should be exempted from the NEET examination.

Prime Minister Narendra Modi said at the NITI Aayog meeting, "Let us all work together for the development of the nation."

The Iranian military announced that the Strait of Hormuz will be completely closed.

Sports News

New rules were introduced in the FIFA World Cup football tournament that began yesterday.

இன்றைய செய்திகள் - 12.06.2026

நீட் தேர்வில் இருந்து தமிழ்நாட்டிற்கு விலக்கு வேண்டும் என நிதி ஆயோக் கூட்டத்தில் முதல்-அமைச்சர் விஜய் வலியுறுத்தல்.

"நாட்டின் வளர்ச்சிக்கு ஒன்று சேர்ந்து உழைப்போம்" என்று நிதி ஆயோக் கூட்டத்தில் பிரதமர் மோடி பேச்சு.

[ஹார்முஸ் நீரிணை முழுமையாக மூடப்படுவதாக ஈரான் ராணுவம் அறிவிப்பு.

*விளையாட்டுச் செய்திகள்

*நேற்று தொடங்கிய உலகக் கோப்பை கால்பந்து FIFA போட்டித் தொடரில் புதிய விதிமுறைகள் அறிமுகம்.

தயாரிப்பு :

Covai women ICT போதிமரம் 

8th tamil grammar types of questions vina vakaikal தமிழ் இலக்கணம் வினா வகைகள் எட்டாம் வகுப்பு

 

தமிழ் இலக்கணம் 25 மதிப்பெண் வினாடி வினா பகுதி 3 NEW TN TET - TNPSC - TRB TAMIL GRAMMAR 25 MARKS QUIZ

 

NEW TN TET - TNPSC - TRB TAMIL GRAMMAR 25 MARKS QUIZ 

பள்ளி காலை வழிபாட்டுச் செயல்பாடுகள் 11.06.2026. வியாழன்

School morning prayer activities 

பள்ளி காலை வழிபாட்டுச் செயல்பாடுகள்

11.06.2026. வியாழன்

திருக்குறள் :

பால் : பொருட்பால்

; இயல்: அரசியல் ;

அதிகாரம்: 43. அறிவுடைமை ;

 குறள் எண் : 426.

குறள்:

எவ்வ துறைவது உலகம் உலகத்தோடு அவ்வ துறைவ தறிவு.

பொருள்:

உலகத்துப் பெரியோர் எவ்வாறு வாழ்கின்றார்களோ, அவரோடு சேர்ந்து, தானும் அப்படியே வாழ்வது அறிவு.

பழமொழி :

> துணிவுடையோர்க்கே வெற்றி.

Fortune favors the brave.

இரண்டொழுக்க பண்புகள்:

1. செல்லும் இடமெல்லாம் ஒழுக்கம், நேர்மை, அன்பு என்னும் விதைகளை விதைத்து செல்வேன்.

2. அதன் மூலம் இவ்வுலகை நாம் நன்கு வாழக்கூடிய இடமாக மாற்ற முயற்சி செய்வேன்.

பொன்மொழி :

> பொறுமை கசப்பானது; அதன் கனியோ இனிமையானது.

Thought for the Day:

- Responsibility is the bridge between goals and achievements.

பொது அறிவு :

1. இந்திய முப்படைகளின் புதிய தலைமை தளபதியாக பதவி வகிப்பவர் யார்?

N.S.ராஜா சுப்பிரமணி.

2. தமிழகத்தில் முதல் முறையாக உருவாக்கப்பட்ட செயற்கை நுண்ணறிவுத் துறை (AI) அமைச்சர் யார்?

உயர் திரு. ஆர். குமார் அவர்கள்.

English words:

Benefit - Advantage, நன்மை 

+ Conceal - Hide, மறை

NMMS:

1, 7, 3, 63, 5, 215, 7,

(1) 342. (2) 511. (3) 517.

(4) 343.

1. ஒன்று, மூன்று, ஐந்து, ஏழு ஆகிய இடங்களில் ஒற்றை எண்கள் அமைந்துள்ளன.

2. இரண்டாமிடத்தில் உள்ள 7 என்பதற்கான சமன்பாடு

(முந்தைய எண் + 1)3 1

I) இரண்டாமிட எண்

(1+1)3 1 = (2) 1-8-1-7

II) நான்காமிட எண்

(3+1) 1= (4)3 164-1=63

III) ஆறாமிட எண்

(5+1)3 1= (6)3 1216-1 = 215

IV) எட்டாமிட எண்

(7+1) 1 = (8) 1512-1= 511

விடை: (2) 511

புவியியலும் சுற்றுசூழலும் :

"இன்றைய மாணவர்கள் நாளைய பொறுப்புள்ள குடிமக்கள்." எனவே வாரத்தில் இரு நாட்கள் குடிமையியல் குறித்தும் பார்ப்போம்.

குடிமையியல் என்றால் என்ன?

குடிமையியல் என்பது ஒரு நாட்டின் ஆட்சி முறை, குடிமக்களின் உரிமைகள் மற்றும் கடமைகள் பற்றிய கல்வியாகும்.

ஜூன் 11

உலகத் தமிழ்க் கழகம் என்னும் அமைப்பு தேவநேயப் பாவாணர் தலைமையில் திருச்சிராப்பள்ளியில் 1968 சூன் 11 இல் அமைக்கப்பட்டது. பெருஞ்சித்திரனார் பொதுச் செயலாளராக விளங்கினார். தமிழ்நாட்டின் அனைத்து ஊர்களிலும் பிற மாநிலங்களிலும் கிளைகள் தொடங்கப்பட்டன.

நீதிக்கதை

வீட்டுப் பாடத்தின் மதிப்பு

ஒரு கிராமத்தில் மணி என்ற மாணவன் இருந்தான். அவன் பள்ளிக்குச் சரியாகச் செல்வான். ஆனால் வீட்டுப் பாடம் செய்வதில் ஆர்வம் காட்டமாட்டான். ஒருநாள் ஆசிரியர் கணித வீட்டுப் பாடம் கொடுத்தார். மணிகண்டன் "நாளை பார்த்துக்கொள்ளலாம்" என்று நினைத்து விளையாடச் சென்றான். அவன் நண்பன் கோபி மட்டும் வீட்டுப் பாடத்தை கவனமாகச் செய்தான்.

மறுநாள் ஆசிரியர் அனைவரின் நோட்டுப் புத்தகத்தையும் பார்த்தார். கோபியின் வீட்டுப் பாடம் மிகவும் அழகாகவும் சரியாகவும் இருந்தது. ஆசிரியர் அவனைப் பாராட்டினார். மணி மட்டும் வீட்டுப் பாடம் செய்யாமல் வந்திருந்தான். பாடத்தில் ஆசிரியர் கேட்ட கேள்விகளுக்கும் அவனால் பதில் சொல்ல முடியவில்லை. அவனுக்கு வெட்கமாக இருந்தது.

அன்று மாலை மணி கோபியிடம், "நீ எப்படி பாடங்களை இவ்வளவு நன்றாகப் புரிந்துகொள்கிறாய்?" என்று கேட்டான். கோபி சிரித்துக்கொண்டு, "வீட்டுப் பாடம் செய்வது பாடத்தை மீண்டும் பயிற்சி செய்வது போல. அதனால்தான் எனக்கு எளிதாகப் புரிகிறது," என்றான்.

அப்போது மணிக்கு தனது தவறு புரிந்தது. அந்த நாளிலிருந்து அவன் தினமும் வீட்டுப் பாடத்தை நேரத்திற்கு செய்து வந்தான். சில மாதங்களில் அவனும் வகுப்பில் சிறந்த மாணவர்களில் ஒருவனாக மாறினான்.

நீதி : வீட்டுப் பாடத்தை தவறாமல் செய்வதால் அறிவும் திறமையும் வளர்கின்றன.

Today's Headlines 11.06.2026

Minister Rajmohan awarded incentive scholarships to students who scored high marks in the Class 10 and Class 12 public examinations.

Narendra Modi has set a record as India's longest-serving Prime Minister.

In England, restrictions have been imposed on children using social media platforms. England.

Sports News

In the Australian Open Badminton Tournament, the Indian pair Dhruv Rawat and Manisha emerged victorious. Australian Open Badminton Tournament.

In the women's singles category of the Australian Open Badminton Tournament, P. V. Sindhu secured a victory. P. V. Sindhu.

இன்றைய செய்திகள் 11.06.2026

10, 12-ம் வகுப்பு பொதுத்தேர்வில் அதிக மதிப்பெண் பெற்ற மாணவர்களுக்கு அமைச்சர் ராஜ்மோகன் அவர்கள் ஊக்கத்தொகை வழங்கினார்.

இந்தியாவின் நீண்ட கால பிரதமர் எனும் சாதனை படைத்தார் நரேந்திர மோடி.

இங்கிலாந்து நாட்டில் சிறுவர்கள் சமூக வலைத்தளங்களை பயன்படுத்த தடை விதிக்கப்பட்டுள்ளது.

விளையாட்டுச் செய்திகள்

ஆஸ்திரேலிய ஓபன் பேட்மிண்டன் போட்டியில் இந்திய ஜோடி துருவ்ராவத்-மனீ வெற்றி பெற்றுள்ளனர்.

ஆஸ்திரேலிய ஓபன் பேட்மிண்டன் ஒற்றையர் பிரிவில் பி.வி.சிந்து வெற்றி பெற்றுள்ளார்.

தயாரிப்பு

Covai women ICT போதிமரம் 

தமிழோடு விளையாடு 32 தமிழ்ச் சொல்லைக் கண்டுபிடி Play with Tamil Find the Tamil word Tamil game

 

Play with Tamil Find the Tamil word Tamil game

பள்ளி காலை வழிபாட்டுச் செயல்பாடுகள் 10.06.2026. புதன்

School morning prayer activities 

பள்ளி காலை வழிபாட்டுச் செயல்பாடுகள்

10.06.2026. புதன்

திருக்குறள் :

பால் : பொருட்பால்

; இயல்: அரசியல் ;

அதிகாரம்: 43. அறிவுடைமை ;

குறள் எண் : 425.

குறள் :

உலகம் தழீஇய தொட்பம் மலர்தலும் கூம்பலும் இல்ல தறிவு

பொருள்:

உயர்ந்தோரே உலகோர் எனப்படுவதால் அவர்களுடன் நட்பு கொண்டு இன்பம் துன்பம் ஆகிய இரண்டையும் ஒரே நிலையாகக் கருதுவதே அறிவுடைமையாகும்.

பழமொழி :

பேராசை பெரு நட்டம்.

Covert all, lose all.

இரண்டொழுக்க பண்புகள்:

1. செல்லும் இடமெல்லாம் ஒழுக்கம், நேர்மை, அன்பு என்னும் விதைகளை விதைத்து செல்வேன்.

2. அதன் மூலம் இவ்வுலகை நாம் நன்கு வாழக்கூடிய இடமாக மாற்ற முயற்சி செய்வேன்.

பொன்மொழி :

நம்பிக்கை உள்ள மனம், முடியாததையும் முடித்து காட்டும்

Thought for the Day:

Success begins when excuses end and responsibility begins.

பொது அறிவு :

1. உலக புகையிலை எதிர்ப்பு தினம் எப்போது கடைப்பிடிக்கப்படுகிறது?

மே 31.

2. தேசிய தொழில்நுட்ப தினம் எப்போது கொண்டாடப்படுகிறது?

மே 11 م

( மே 11,1998 அன்று பொக்ரான் அணுகுண்டு சோதனை வெற்றி பெற்றதையும், இந்தியாவின் முதல் பல்நோக்கு விமானமான Hansa 3 வெற்றி பெற்றதையும், டி.ஆர்.டி.ஓ-வால் உருவாக்கப்பட்ட, குறுகிய தூரம் சென்று தரையிலிருந்து வான் குறியை தாக்கும் ஏவுகணையான திரிசூலின் சோதனை ஏவுதல் வெற்றிகரமாக நடந்ததையும் கொண்டாடும் விதத்தில் தேசிய தொழில்நுட்ப தினம் கொண்டாடப்படுகிறது)

English words :

Ancient Old, பண்டைய 

Attempt-Try, முயற்சி செய்

NMMS:

3, 6, 9, 15,24, 39,........

(1) 65.

(2) 63.

(3)53.

(4) 55.

3+3 = X 

X + previous number

 6+3=9

 9+6=15 

15 + 9 = 24

24+15 39

39+24 63

விடை: (2) 63

புவியியலும் சுற்றுச்சூழலும் :

பூமியின் வயது சுமார் 4.54 பில்லியன் ஆண்டுகள்.

ஜூன் 10 - சுந்தர் பிச்சை அவர்களின் பிறந்தநாள்

சுந்தர் பிச்சை என்று அறியப்படும் பிச்சை சுந்தரராசன்

(பிறப்பு: சூன் 10, 1972), இந்திய அமெரிக்க வாழ் கணினி தொழில் நுட்ப மேலாளர் ஆவார். இவர் அல்பபெட் (Alphabet Inc.) மற்றும் அதன் துணை நிறுவனமான கூகுள் முதன்மை செயல் அலுவலர் ஆவார்.

சுந்தர் பிச்சை 2004 ஆம் ஆண்டு கூகுள்இல் இணைந்தார். இவர் கூகிள் வாடிக்கையாளர் மென்பொருள் தயாரிப்புகள் தொகுப்பில் முக்கிய பங்கு வகித்தார். தற்போது கூகிள் நிறுவனத்தின் தலைமை செயல் அதிகாரியாக பணியாற்றுகிறார். 2013 ஆம் ஆண்டு மார்ச் 13 ஆம் நாள் ஆன்டி ரூபின் பதவி விலகிய பிறகு ஆண்ட்ராய்டு பிரிவிற்கும் சேர்த்து தலைவரானார். கூகுள் வரைபடம், ஆய்வு, வணிகம், விளம்பரம், ஆண்ட்ராய்டு, குரோம், உள்கட்டமைப்பு, கூகுள் ஆப்ஸ் ஆகியவற்றின் தலைவராக இருந்த இவர்,

கூகுள் உறவு நிறுவனங்களின் புதிய கூட்டு நிறுவனமான ஆல்பாபெட்டு உருவாக்கம் நிறைவுற்ற பிறகு, கூகுளின் முதன்மைச் செயல் அலுவலராகப் பொறுப்பேற்க உள்ளார். 2019 ஆம் ஆண்டு டிசம்பர் 5 ஆம் திகதி முதல் ஆல்பாபெட்டு என்ற நிறுவனத்தின் தலைவர்களாக இருந்த லாரி பேஜ் மற்றும் சேர்ஜி பிரின் ஆகியோர் விலகி இவரை இரண்டு நிறுவனங்களுக்கும் ஒரே தலைமை செயல் அதிகாரியாக நியமித்துள்ளார்கள்.

நீதிக்கதை -

பழைய நிலைமையை மறந்து விடாதே!

முன்னொரு காலத்தில், ஒரு நாட்டை ஆண்ட அரசரிடம் விவேகமிக்க மந்திரி ஒருவர் இருந்தார். அவர் பெயர் தனயன். அரசர், எங்கு சென்றாலும், தனயனை அழைத்துச் செல்வார். தனயனின் ஆலோசனைப்படியே அனைத்தையும் செய்வார். இதனால், மந்திரி தனயனின் புகழ், நாடு முழுவதும் பரவியது. இதைக்கண்ட சிலர், மந்திரி மீது பொறாமை கொண்டனர். தனயன் எங்கு சென்றாலும், தன்னுடன் ஒரு பெட்டியை எடுத்துச் செல்வது வழக்கம். பொறாமைக்காரர்கள் இதை வைத்தே அரசனிடம் கோள் மூட்ட எண்ணினர்.

அரசே, மந்திரி நல்லவர் போல் நடித்து, நம்மை ஏமாற்றுகிறார். அரண்மனையில் உள்ள விலை உயர்ந்த பொருட்களை எல்லாம் அபகரித்து தன் பெட்டியில் வைத்துள்ளார். வேண்டுமானால் அதைச் சோதனை செய்து பாருங்கள் என்றனர்.

அரசனுக்கும், சிறிது சந்தேகம் ஏற்பட்டது. ஒருநாள் வேட்டைக்குப் போகும்போது, மந்திரி வழக்கம் போல் பெட்டியை தன்னோடு எடுத்து வந்தார். பெட்டியில் என்ன? என்று கேட்டார் அரசர். உடனே மந்திரி, பெட்டியைத் திறந்து காட்டினார், ஆடு மாடு மேய்ப்பவன் உடுத்தும் கந்தல் துணி இருந்தது.

இதெல்லாம் என்ன? என்று ஆச்சர்யத்துடன் கேட்டார் அரசர். அரசே! ஆடு மேய்த்துக் கொண்டிருந்த போது, என் புத்திக்கூர்மையை பார்த்து, என்னை மந்திரி ஆக்கினீர்கள். இவ்வளவு உயர் பதவி கிடைத்தால், சிலர் பழைய நிலைமையை மறந்து விடுவர். எனக்கு அப்படியிருக்க மனம் வரவில்லை. பழைய நிலைமையை சுமந்தபடியே, மந்திரி பதவியில் இருக்க விரும்புகிறேன். அதனால் தான், இப்பெட்டியை எந்நேரமும் என்னுடன் வைத்திருக்கிறேன் என்றார் மந்திரி.

மந்திரியை பெரிதும் பாராட்டியதோடு, பொறாமைக்காரர்களுக்கு தக்க தண்டனையும் கொடுத்தார் அரசர். மந்திரிக்கு பல பரிசுகள் கொடுத்து கௌரவித்தார். பொறாமைக்காரர்கள், தாங்கள் செய்த சூழ்ச்சியே, தங்களது வீழ்ச்சிக்கு காரணமானதை எண்ணி வருந்தினர்.

Today's Headlines - 10.06.2026

"Protecting the dignity of women is the government's primary objective," said Chief Minister Vijay at the inauguration ceremony of the Singappen Athiradippadai (Women's Special Force).

A counseling session for Industrial Training Institute (ITI) students was inaugurated by Minister Mohammed Parvez.

A massive natural gas reserve has been discovered in the Andaman Sea. Natural gas has been found in 2 out of the 3 wells drilled so far.

A Tamil woman has secured second place in the Los Angeles mayoral election.

Sports News

At the World Yogasana Championship, the Indian team secured first place, creating a record by winning 114 medals, including 102 gold medals.

இன்றைய செய்திகள் 10.06.2026

பெண்களின் கண்ணியமே அரசின் முக்கிய குறிக்கோள் - சிங்கப்பெண் அதிரடிப்படை தொடக்க விழாவில் முதல்-அமைச்சர் விஜய் பேச்சு.

தொழிற்பயிற்சி நிலைய மாணவர்களுக்கான கலந்தாய்வு - அமைச்சர் முகமது பர்வேஸ் தொடங்கி வைத்தார்.

அந்தமான் கடலில் பிரமாண்ட எரிவாயு புதையல் கண்டுபிடிப்பு இதுவரை தோண்டப்பட்ட 3 கிணறுகளில் 2 கிணற்றில் எரிவாயு இருப்பது கண்டுப்பிடிக்கப் பட்டுள்ளது.

லாஸ் ஏஞ்சல்ஸ் மேயர் தேர்தலில் தமிழ் பெண்ணுக்கு 2-ம் இடம் கிடைக்கப் பெற்றுள்ளது.

*விளையாட்டுச் செய்திகள்

*உலக யோகாசனம் சாம்பியன்ஷிப் 102 தங்கம் உட்பட 114 பதக்கங்கள் வென்று இந்திய அணி முதலிடம் பிடித்து சாதனை படைத்துள்ளது.

தயாரிப்பு :

Covai women ICT போதிமரம் 

தமிழ் இலக்கணம் 25 மதிப்பெண் வினாடி வினா பகுதி 2 NEW TN TET - TNPSC - TRB TAMIL GRAMMAR 25 MARKS QUIZ

 

NEW TN TET - TNPSC - TRB TAMIL GRAMMAR 25 MARKS QUIZ 

tamil grammar valakku ilakkanam தமிழ் இலக்கணம் வழக்கு தகுதி வழக்கு இயல்பு வழக்கு

 

பள்ளி காலை வழிபாட்டுச் செயல்பாடுகள் 09.06.2026 - செவ்வாய்

School morning prayer activities 

பள்ளி காலை வழிபாட்டுச் செயல்பாடுகள்

09.06.2026 - செவ்வாய்

திருக்குறள் :

பால் : பொருட்பால்

; இயல்: அரசியல் ;

அதிகாரம்: 43. அறிவுடைமை 

; குறள் எண் : 424.

குறள் :

எண்பொருள வாகச் செலச்சொல்லித் தான்பிறர்வாய் 

நுண்பொருள் காண்ப தறிவு

பொருள்:

தான் சொல்லுவனவற்றை எளிய பொருளையுடையனவாகப் பதியுமாறு சொல்லித், தான் பிறரிடம் கேட்பவற்றின் நுட்பமான பொருளையும் ஆராய்ந்து காண்பது அறிவாகும்.

பழமொழி :

பழகப் பழகப் பாலும் புளிக்கும்.

Familiarity breeds contempt.

இரண்டொழுக்க பண்புகள் :

1. செல்லும் இடமெல்லாம் ஒழுக்கம், நேர்மை, அன்பு என்னும் விதைகளை விதைத்து செல்வேன்.

2. அதன் மூலம் இவ்வுலகை நாம் நன்கு வாழக்கூடிய இடமாக மாற்ற முயற்சி செய்வேன்.

பொன்மொழி :

* உழைப்பு இல்லாமல் உயர்வு இல்லை.

Thought for the Day:

Responsibility is not what is given to you. It is what you choose to own.

பொது அறிவு :

1. இந்தியாவிலேயே முதல் முறையாக கடலுக்கடியில் அருங்காட்சியகம் எங்கு அமைக்கப்படுகிறது?

மகாராஷ்டிரம்.

2. ஜூன் 1, 2026 நிலவரப்படி இந்தியாவில் உள்ள இரயில்வே மண்டலங்களின் எண்ணிக்கை எவ்வளவு?

18.

English words :

Accept - Receive, ஏற்றுக்கொள்.

Brave - Courageous, தைரியமான 

NMMS:

8,4,15,5,22,6,

(1) 29, 7. (2) 28, 7.

(3) 29, 8.

(4) 27, 8.

1) இரண்டாம், நான்காம் மற்றும் ஆறாம் இடத்தில் உள்ள எண்கள் வரிசையாக உள்ளன. அதன்படி எட்டாவது இடத்தில் வரவேண்டிய எண் 7

2) 08+7= 15

15+7=22

22+7= 29

விடை: (1) 29,7

புவியியலும் சுற்றுச்சூழலும் :

பூமி நமக்குக் கிடைத்த பரிசு அல்ல; முந்தைய தலைமுறையிடமிருந்து நாம் கடனாகப் பெற்றது.

ஜூன் 09 - சார்லஸ் டிக்கென்ஸ் அவர்களின் நினைவுநாள்

சார்லஸ் ஜான் ஹஃபாம் டிக்கென்ஸ் - Charles Dickens, பிறப்பு 7 பெப்ரவரி 1812 - இறப்பு 9 ஜூன் 1870.

விக்டோரியா காலத்தைச் சேர்ந்த மிகவும் புகழ் பெற்ற ஆங்கிலப் புதின எழுத்தாளர்களில் ஒருவரும், தீவிரமான சமூகப் பரப்புரையாளரும் ஆவார். மிகவும் வறியவராக வாழ்க்கையைத் தொடங்கியவர். அது அவரது எழுத்துக்களிலும் எதிரொலித்தது. இவரது டேவிட் காப்பர்ஃபீல்டு, ஆலிவர் டுவிஸ்ட் போன்ற புதினங்கள் (நாவல்கள்) உலகப் புகழ் பெற்றவை.

நீதிக்கதை - புத்தகத்தின் மதிப்பு

ஒரு கிராமத்தில் வருண் என்ற சிறுவன் படித்து வந்தான். அவனுடைய புத்தகங்களும் நோட்டுகளும் எப்போதும் சிதறிக் கிடக்கும். சில நேரங்களில் புத்தகத்தின் பக்கங்களை மடிப்பான், நோட்டுகளில் கிறுக்குவான். பள்ளிப் பையை கூட சரியாக வைத்துக்கொள்ள மாட்டான்.

அதே வகுப்பில் நந்தினி என்ற சிறுமி படித்தாள். அவள் தனது புத்தகங்களுக்கும் நோட்டுகளுக்கும் அட்டை போட்டு, பெயர் எழுதி, மிகவும் பத்திரமாக வைத்திருப்பாள்.

ஒருநாள் தேர்வு நெருங்கியது. வருண் படிக்க அமர்ந்தபோது, அவன் அறிவியல் நோட்டினை காணவில்லை. கணிதப் புத்தகத்தின் சில பக்கங்கள் கிழிந்திருந்தன. முக்கியமான குறிப்புகள் பலவற்றை அவனால் படிக்க முடியவில்லை.

ஆனால் நந்தினி தனது புத்தகங்களையும் நோட்டுகளையும் ஒழுங்காக வைத்திருந்ததால், தேவையான பாடங்களை எளிதாகத் திரும்பப் படித்தாள்.

தேர்வு முடிவுகள் வந்தபோது, நந்தினி நல்ல மதிப்பெண்கள் பெற்றாள். வருணுக்கு எதிர்பார்த்த அளவுக்கு மதிப்பெண்கள் வரவில்லை.

அப்போது ஆசிரியர் கூறினார்:

"புத்தகங்களும் நோட்டுகளும் நம் அறிவின் நண்பர்கள். அவற்றைப் பத்திரமாகப் பராமரித்தால், அவை சரியான நேரத்தில் நமக்கு உதவும்."

அன்றிலிருந்து வருணும் தனது புத்தகங்களையும் நோட்டுகளையும் கவனமாகப் பாதுகாக்கத் தொடங்கினான்.

நீதி : புத்தகங்களையும் நோட்டுகளையும் பத்திரமாகப் பராமரிப்பது நல்ல பழக்கமும், நல்ல கல்விக்கான அடிப்படையும் ஆகும்.

Today's Headlines - 09.06.2026

The continuation of a brick-built wall has been discovered during the excavations at Keeladi Excavation Site.

To protect public health, wrapping and serving food items in newspapers has been prohibited under the Food Safety and Standards Regulations, 2018.

Due to the conflict between the United States and Iran, the Indian Embassy has advised citizens to avoid traveling to Iran.

Sports News

Cricket - India secured a convincing victory in the Test match against Afghanistan.

இன்றைய செய்திகள் 09.06.2026

கீழடி அகழாய்வில் செங்கல் கட்டுமான சுவரின் தொடர்ச்சி கண்டுபிடிக்கப்பட்டுள்ளது.

மக்களின் உடல்நலனைப் பாதுகாக்கும் வகையில், உணவுப் பாதுகாப்பு மற்றும் தரநிலை விதிமுறைகள் 2018 சட்டத்தின் கீழ் செய்தித்தாள்களில் திண்பண்டங்களை மடித்து வழங்கத் தடை.

அமெரிக்கா-ஈரான் இடையேயான போர் காரணமாக ஈரானுக்கு பயணம் செய்வதை தவிர்க்க வேண்டும் என இந்திய தூதரகம் அறிவுறுத்தி உள்ளது.

விளையாட்டுச் செய்திகள்

கிரிக்கெட் - ஆப்கானிஸ்தானுக்கு எதிரான டெஸ்ட் போட்டியில் இந்திய அணி அபார வெற்றி பெற்றது.

தயாரிப்பு :

Covai women ICT போதிமரம் 

tamil grammar aimbal ilakkanam paal தமிழ் இலக்கணம் ஐம்பால்

 

பள்ளி காலை வழிபாட்டுச் செயல்பாடுகள் 08.06.2026 . திங்கள்

School morning prayer activities 

பள்ளி காலை வழிபாட்டுச் செயல்பாடுகள்

08.06.2026 . திங்கள்

திருக்குறள் :

பால் : பொருட்பால்

; இயல்: அரசியல் ;

அதிகாரம்: 43. அறிவுடைமை ;

குறள் எண் : 423.

குறள் :

எப்பொருள் யார்யார்வாய்க் கேட்பினும் அப்பொருள் மெய்ப்பொருள் காண்ப தறிவு

பொருள்:

எப்பொருளை யார் யாரிடம் கேட்டாலும், கேட்டவாறே கொள்ளாமல், அப்பொருளின் மெய்யான பொருளைக் காண்பதே அறிவாகும்.

பழமொழி :

நம்பிக்கையே வாழ்க்கையின் உந்து சக்தி.

Faith is the force of life.

இரண்டொழுக்க பண்புகள்:

1. செல்லும் இடமெல்லாம் ஒழுக்கம், நேர்மை, அன்பு என்னும் விதைகளை விதைத்து செல்வேன்.

2. அதன் மூலம் இவ்வுலகை நாம் நன்கு வாழக்கூடிய இடமாக மாற்ற முயற்சி செய்வேன்.

பொன்மொழி :

* வெற்றி என்பது நிரந்தரமல்ல; தோல்வி என்பது இறுதியுமல்ல.

Thought for the Day:

Responsibility is not a burden. It is an opportunity to prove your character.

பொது அறிவு:

1. தமிழ்நாடு தினம் என்று கொண்டாடப்படுகிறது?

ஜூலை 18.

2. தமிழ்நாட்டின் பள்ளிக் கல்வித்துறை அமைச்சர் யார்?

உயர்திரு. ராஜ்மோகன் அவர்கள்.

English words:

+ Avenue a road bordered by houses or trees, அழகான தெரு.

Believe - regard as true, நம்பு

NMMS:

→ அடுத்த உறுப்பைக் கண்டுபிடி

:- 4, 9, 19, 39,

(1) 59

(2) 69

(3) 79

(4) 74

விடை

(3) 79

புவியியலும் சுற்றுசூழலும் :

பூமி சூரியக் குடும்பத்தில் சூரியனிலிருந்து மூன்றாவது கோளாகும்.

உயிரினங்கள் வாழத் தகுந்த ஒரே கோள் பூமி ஆகும்.

பூமியின் மேற்பரப்பில் சுமார் 71% நீரும் 29% நிலமும் உள்ளன.

ஜூன் 08 - உலகப் பெருங்கடல்கள் நாள்

உலகப் பெருங்கடல்கள் நாள் (World Oceans Day) எனும் இந்நாளை ஆண்டுதோறும் உலக நாடுகள் முழுவதும் சூன் 8 ஆம் நாளன்று அனுசரிக்கப்படுகிறது. இந்நிகழ்வை, 1992 ஆம் ஆண்டில் பிரேசிலின், இரியோ டி செனீரோ நகரில் இடம்பெற்ற பூமி உச்சி மாநாட்டில், முதன் முறையாக கனடா இந்நிகழ்வுக்கான கோரிக்கையை முன்வைத்ததை அடுத்து, இது அதிகார பூர்வமற்ற வகையில் உலகெங்கும் அனுசரிக்கப்பட்டு வந்தது. பின்னாளில், ஐக்கிய நாடுகள் அவை 2008 ஆம் ஆண்டில் இந்நிகழ்வை அதிகாரபூர்வமாக அங்கீகரித்து அறிக்கை வெளியிட்டது. அன்று முதல் உலகளாவிய அளவில் பெருங்கடல் திட்டம் என்ற அமைப்பினால் ஒருங்கிணைக்கப்பட்டு கொண்டாடப்பட்டு வருகிறது.

நீதிக்கதை

"சிறிய துளி, பெரிய பலன்"

ஒரு கிராமத்தில் அருண், மீனா என்ற இரண்டு பள்ளி மாணவர்கள் இருந்தார்கள். ஒரு நாள் அவர்களுடைய ஆசிரியர், தண்ணீர் இல்லாமல் உலகில் எந்த உயிரும் வாழ முடியாது. அதனால் மழைநீரைச் சேமிக்க வேண்டும்" என்று கூறினார். அருண் அந்தப் பாடத்தைக் கவனமாகக் கேட்டான். வீட்டிற்குச் சென்று, அப்பாவுடன் சேர்ந்து வீட்டின் கூரையிலிருந்து வரும் மழைநீரை ஒரு தொட்டியில் சேமிக்கும் ஏற்பாடு செய்தான்.

ஆனால் மீனா, "மழை வந்தால் தண்ணீர் தானே கிடைக்கும்! இதற்கெல்லாம் என்ன அவசியம்?" என்று நினைத்தாள். சில மாதங்கள் கழித்து கோடைக்காலம் வந்தது. கிராமத்தில் தண்ணீர் பற்றாக்குறை ஏற்பட்டது. பலர் குடிநீருக்காக கஷ்டப்பட்டனர். ஆனால் அருணின் வீட்டில் சேமித்திருந்த மழைநீர் இருந்ததால் அவர்களுக்கு சிரமம் இல்லை.

அதைப் பார்த்த மீனா, "நானும் மழைநீரைச் சேமித்திருக்க வேண்டும்!" என்று உணர்ந்தாள். அடுத்த மழைக்காலத்தில் அவளும் மழைநீர் சேமிப்பு முறையை அமைத்தாள். அதன் பிறகு அந்த கிராமத்தில் உள்ள அனைவரும் மழைநீரைச் சேமிக்கத் தொடங்கினர். கிராமத்தில் தண்ணீர் பற்றாக்குறை குறைந்தது.

நீதி:

"மழைநீரைச் சேமிப்போம்; நாளைய தண்ணீர் தேவையைப் பாதுகாப்போம்."

"சிறு துளி சேர்ந்து பெரிய செல்வமாகும்."

Today's Headlines - 08.06.2026

The Tamil Nadu government has announced that the Tamil Nadu Singa Penn Force will be launched on June 9.

The Central Government has stated that India has the lowest cooking gas (LPG) prices in the world.

North Korea has pledged to increase its missile production by 2.5 times.

Sports News

South Asian Women's Football Championship: The Indian team won the trophy.

Tamil Nadu chess player Savitha Shri, who won a gold medal at the Asian Chess Championship, was congratulated by Chief Minister Vijay.

இன்றைய செய்திகள் 08.06.2026

தமிழக சிங்கப் பெண் படை. ஜூன் 9 ல் தொடங்கி வைக்கப்படும் என தமிழக அரசு தகவல் தெரிவித்துள்ளது.

உலகளவில் இந்தியாவில் தான் சமையல் எரிவாயு விலை குறைவு மத்திய அரசு அறிவிப்பு.

ஏவுகணைகளின் உற்பத்தியை 2.5 மடங்கு அதிகரிக்கப்படும் என வடகொரியா உறுதி.

விளையாட்டு செய்திகள்

* தெற்காசிய பெண்கள் கால்பந்து: கோப்பையை கைப்பற்றியது இந்திய மகளிர் அணி.

ஆசிய செஸ் போட்டியில் தங்கம் வென்ற தமிழக வீராங்கனை சவிதா ஸ்ரீக்கு முதல் அமைச்சர் விஜய் வாழ்த்து.

தயாரிப்பு :

Covai women ICT போதிமரம் 

தமிழோடு விளையாடு 31 தமிழ்ச் சொல்லைக் கண்டுபிடி Play with Tamil Find the Tamil word Tamil game

 

 Play with Tamil Find the Tamil word Tamil game